د کرنې وزارت د غنمو تولید کې د پام وړ زیاتوالی اعلان کړ.

د کرنې وزارت وایې سږ کال د غنمو تولید په حاصلاتو کې د پام وړ زیاتوالی راغلی. د کرنې، اوبولګولو او مالدارۍ وزارت ویاند مصباح الدین مستین طلوع نیوز ته وویل چې په تېرو درېیو کلونو کې د غنمو حاصلات ډېر شوي دي. نوموړی .زیاتوي چې دا حاصلات په کال کې له 3.5 ملیون ټنو څخه 5 ملیون ټنو ته لوړ شوي

نوموړي دا هم وويل، چې حکومت د کروندګرو ملاتړ او په بازارونو کې د غنمو بيې کنټرولوي. دا مهال د هېواد په یوولسو ولایتونو کې له کروندګرو څخه د اضافي غنمو د اخیستلو او ذخیره کولو لړۍ روانه ده.

دا هم وګورئ: هند او پاکستان ته د ۹۵۰۰ ټنو پیازو په صادرولو سره د کندهار بزګران اقتصاد ته وده ورکوي

د دولت د غنمو د پېرلو نوښت

ویاند زیاته کړه: «د افغانستان تولید له ۳ میلیونو څخه تر ۳.۵ میلیون متریک ټنو پورې وو. الحمدلله په تیرو دریو کلونو کې اسلامي امارت توانیدلی چې د بزګرانو په مرسته د غنمو حاصلات زیات کړي او سږ کال زمونږ تولید ۵ میلیونه متریک ټنو ته ورسید.

مستین د غنمو زیاتوالي ته په اشارې سره وویل چې له کروندګرو څخه د اضافي غنمو د اخیستلو او ذخیره کولو په اړه د اسلامي امارت د رهبرۍ له فرمان سره سم، وزارت په پام کې لري چې تر دې نیټې پورې په ۱۳ ولایتونو کې ۳۸ زره ټنه غنم له بزګرانو واخلي. کال

نوموړي وویل، چې دوی به له ۱۳ ولایتونو څخه شاوخوا ۳۸ زره ټنه رانیسي. دوی اوس مهال په 11 ولایتونو کې د پیرودلو پروسه پرمخ وړي. دوی پلان لري چې پاتې نور ژر ترلاسه کړي.

د اقتصادي چارو کارپوه شمس الرحمن احمدزي طلوع نیوز ته وویل:«دا د حکومت له خوا د شته غنمو د پېرلو او په بازار کې د ذخیره کولو یو پر وخت اقدام دی، ځکه چې دا به په ژمي کې د خلکو لپاره یو ستر خدمت وي. ډیری خلک د اقتصادي ستونزو له امله خپلې لومړنۍ اړتیاوې نشي پوره کولی.”

تر دې مخکې د کرنې، اوبولګولو او مالدارۍ وزارت خبر ورکړی و، چې دوی څه باندې سل زره ټنه اصلاح شوي تخمونه کروندګرو ته وېشلي دي. دوی دوه سوه زره ټنه کیمیاوي سرې هم وېشلې دي. دغه ویش د اسلامي امارت د رهبرۍ له فرمان او د کورنیو او بهرنیو مؤسسو په همکارۍ ترسره شو.